Book of Boon

၂၀၁၂.ဇန်န၀ါရီ.၁ရက်။

The purpose driven life စာအုပ်ကို အစကနေအဆုံးဖတ်တော့မယ်။

ရက်ပေါင်းလေးဆယ်ဖတ်ရမယ်။ ဒီနေ့ တစ်ရက်ပြီးပြီ။

ဒီစာအုပ်က ကျွန်တော့ဆီ အင်္ဂလိပ်လို အရင်ရှိနေခဲ့တာ။

အဲ့တုန်းက မြန်မာဘာသာပြန်မထွက်သေးဘူး။

အုပ်ရေ ၁၆သန်းကျော် ရောင်းခဲ့ရတဲ့ စာအုပ်ပေါ့။

ဘက်ဆဲလား စာအုပ်တစ်အုပ်မို့ လို့ ဝယ်ခဲ့တာတော့မဟုတ်ဘူး။

မျက်နာဖုံးအောက်ခြေမှာပါတဲ့ 

what on earth am I here for ?

ဒီကမ္ဘာကြီးမှာ..ငါဘာ အတွက်ရှိနေရတာလဲ ?

အဲ့စာသားလေးက ကျွန်တော့ကို ချက်ချင်းဝယ်မိစေခဲ့တယ်။

ကျွန်တော့စာအုပ်မှာ ကျွန်တော့ ဆိုင်းလေးနဲ့ ထိုးထားတဲ့ စာအုပ်ဝယ်ခဲ့တဲ့ဒိတ်ကိုကြည့်တော့

၂၀၀၄.ဂျူလိုင်.၁၈ တဲ့။  အဲ့တုန်းက စာအုပ်ရှေ့ ပိုင်းတစ်ခန်းနစ်ခန်းကို အကြမ်းဖျင်းတော့ ဖတ်ခဲ့ဖူးသေးတယ်။ဟုတ်တယ် စာအုပ်မှာ ကျွန်တော်မသိတဲ့ မီးနင်းလေးတွေ မှတ်ထားတာတောင်ရှိသေးရဲ့ ။ဟားဟား ပြန်ကြည့်တော့..အဲ့တုန်းက အင်္ဂလိပ်စာအခြေနေကိုပြုံးမိတယ်။

Assume ဆိုတဲ့ စာလုံးလေးကို မသိလို့ မျဉ်းသားထားတာတွေ့ တယ်။ 

အဲ့လိုကောင်က ဘာဝယ်ဖတ်လဲဆိုတော့ အသက်ရှင်နေရခြင်း ရဲ့ အဓိပါယ်၊ 

လူ့ ဘ၀ရဲ့ အဓိပါယ်ကို ဖွင့်ဆိုတဲ့ စာအုပ်ကြီး ၀ယ်ဖတ်တယ်တဲ့။

ဘာရယ်..မဟုတ်ဘူး။ လူရှိန်တာပေါ့။ အဘိဓါန်လေးဖွင့်ဖွင့်ပြီးဖတ်ခဲ့ရတာ။

ဟားဟား….သေပြီပေါ့။ အသက်ရှင်နေရခြင်းရဲ့ အဓိပါယ်သိဖို့ နေနေသာသာ မီးနင်းအဓိပါယ်တောင်

မနည်းသိအောင်လုပ်နေရတော့။ နေအုံးဗျာ….နောက်မှ..ဆိုပြီး ချောင်ထိုးလိုက်ရတယ်။

ဒါပေမယ့် ဒီစာအုပ်လေးကို စိတ်ထဲမှာ အကြွေးတစ်ခုလို အမြဲ ရှိနေခဲ့တယ်။ 

ဖတ်ကလည်း ဖတ်ချင် ဖတ်လို့ ကလည်းမနိင် နဲ့ မျောက်အုံးသီးရသလို ဖြစ်နေတာ။ 

မြန်မာဘာသာပြန် ထွက်တော့ ထွက်မှာပဲ ဆိုတာ သိတယ်။ ဘယ့်နဲ့ ဗျာ။ 

အုပ်ရေ ၁၆ သန်းကျော်ရောင်းရတဲ့ စာအုပ်ကို ဘာသာမပြန်တဲ့ကောင် အ..လို့ ပေါ့။ 

ဒါပေမယ့်…နောက်ဆုံးပိတ် ထွက်မလာတဲ့အဆုံးတော့ ကိုယ်ဟာကိုယ်ပဲ ကိုယ့်ရှိတဲ့ အင်းလိပ်စာအုပ်လေး ဖတ်နိင်အောင် တစ်ဖက်က အင်းလိပ်စာလေးလည်း ကျိတ်လုပ်နေရသပေါ့။ 

ဘာသာပြန်လေးလည်းမျှော်ရင်းပေါ့။

ထွက်မဲ့ထွက်တော့…ကချင်ဘာသာပြန်အရင်ထွက်သဗျ။

အင်း…မြန်မာဘာသာပြန်အရင်ထွက်တာဖြစ်ချင်လည်းဖြစ်မယ်။

ဒါပေမယ့်..ကျွန်တော်တော့ ကချင်ဘာသာပြန်အရင်တွေ့ တယ်။ 

ပြင်ဦးလွင်က ကချင်သင်းအုပ်ဆရာတော် တစ်ပါးက ဘာသာပြန်လိုက်တယ်။ 

ဖြစ်ချင်တော့ အဲ့စာအုပ်ကို ကွန်ပြူတာစာစီတာက ကျွန်တော့ သူငယ်ချင်းတစ်ပိုင်း ဆရာတစ်ပိုင်း 

ကိုအားဒေါင်ကြီး လုပ်တာဆိုတော့ အဲ့စာအုပ်လုပ်နေတဲ့ အချိန်အတောတွင်းမှာ 

ကျွန်တော် ဘေးမှာရှိနေခဲ့တယ်။ အဲ့တုန်းက ကျွန်တော် ကွန်ပြူတာစာမရိုက်တတ်သေးလို့ ဗျ
မဟုတ်ရင်စာတောင်ကျွန်တော် ၀င်ရိုက်ပေးဖြစ်လောက်တယ်။

ဒါပေမယ့် စာပရုတွေ တော့ကြည့်ပေးခဲ့ရတယ်။

ဒါပေမယ့်..မ၀ယ်ဖြစ်လိုက်ဘူး။ ကချင်လိုကြတော့ ဖတ်ရတာ သ်ိပ်လည်းအရသာမတွေ့ ဘူးလေ။

ဗမာလိုရေးတာလောက် သဘောတရားကို သိပ်ပြီး ခြုံငုံမိမှာမဟုတ်တာကြောင့်လည်းပေါ့။

ပြီးတော့ တွေးမိတာက အင်း…ကချင်လို ဘာသာပြန်တောင်ထွက်လာမှတော့.. မြန်မာလိုလည်းထွက်ကို

ထွက်မှာကွာလို့ ။ ထပ်စောင့်လိုက်အုံးမယ်လို့ ။

မေ့မေ့ပျောက်ပျောက်ရှိလောက်မှ…ကျောင်းက ဒိုလျန်းခိုင် ဆိုတဲ့ ချင်းတိုင်းရင်းသားသူငယ်ချင်း 

တစ်ယောက်ဆီမှာ မြန်မာ ဘာသာပြန်စာအုပ်သွားတွေ့ တယ်။
သူလည်းသူ့ ကို သူငယ်ချင်းတစ်ယောက်ကလက်ဆောင်ပေးလို့ ရခဲ့တာတဲ့။
ကောင်းတာနဲ့ ဖတ်နေတာတဲ့။  ဖတ်သာဖတ်တာ ဒီကောင်က ခရစ်ယာန် တစ်ယောက်တော့ မဟုတ်ဘူး။ သူကိုးကွယ်တဲ့ ဘာသာက နည်းနည်းထူးဆန်းတယ်။ ချင်းပြည်ဖက်မှာပဲ လူအနည်းစု ကိုးကွယ်ကြတဲ့ဘာသာ။ သူတော်စင်လိုလို ဘိုးတော်လိုလို ပုဂ္ဂိုလ်တစ်ဦးကစခဲ့တယ်ပြောတာပဲ။
အဲ့ပုဂ္ဂိုလ်ကိုပဲ ကိုးကွယ်သလား။ ဒါမှ မဟုတ် မွတ်ဆလင်ဘာသာက မိုဟာမက်လို
တမန်တော်ပဲပေလားတော့ မသိဘူး။သူ့ လည်ပင်းမှာ အဲ့ပုဂ္ဂိုလ်ရဲ့ ပုံကို ဆွဲကြိုးလုပ်ပြီး
ဆွဲထားတာတော့တွေ့ တယ်။သူတို့ မှာ သူတို့ ကျမ်း စာအုပ်နဲ့ သူတို့ ရှိတယ်။
သူဖတ်ဖတ်နေတာတွေ့ တယ်။ ဘာ ဘာသာလို့ ခေါ်တယ်ဆိုတာတော့ မေ့သွားပြီ။

သူ့ ဘာသာအပေါ်တော့ အတော်ကိုင်းရှိုင်းပေတယ်။

ကျွန်တော် အဲ့စာအုပ်ကိုတွေ့ တော့ တအားကို ပျော်သွားတယ်။

ဒီစာအုပ်ကိုမျှော်ခဲ့တာ လေးငါးနစ်လောက်ရှိခဲ့ပြီကိုး။

ကျွန်တော့ကို သူက မင်းဖတ်ချင်ရင်ယူဖတ်ပါလားတဲ့။

တော်ပြီလို့ ငြင်းလိုက်တယ်။ ဒီစာအုပ်ကို ငါမျှော်နေတာကြာလှပြီလို့ ။

ခု…မြန်မာ ဘာသာပြန်ထွက်နေပြီဆိုတာ သိလိုက်ရတာနဲ့ ကို ငါလုံလောက်ပြီလို့ ။

မရရအောင်ရှာဝယ်တော့မယ် လို့ ပြောပြီး ကျွန်တော် မငှားဖတ်ဖြစ်ခဲ့ဘူး။

ကျွန်တော့ အကျင့်က ကျွန်တော် ကြိုက်တဲ့စာအုပ်ဆို ငှားမဖတ်ဘူး။

ကိုယ်ဟာကိုယ် ရအောင်ဝယ်ပြီးမှ တရိုတသေ ဖတ်တယ်။

ကျွန်တော့စာအုပ်ကို ဖတ်ရင် စာရွက်ခေါက်ပစ်တာမျိုးကို လုံးဝမကြိုက်ဘူး။

အဲ့လို စာအုပ်ဖတ်ရင် ရောက်တဲ့နေရာကို စာရွက်ခေါက်ခေါက်ပြီးမှတ်တတ်တဲ့ သူတွေကိုလည်းမုန်းတယ်။

ကျွန်တော်က ကျွန်တော့စာအုပ်တွေကိုလည်း တော်ရုံတန်ရုံ ဌားပေးခဲပါတယ်။

တော်တော်ကြီးကို ငြင်းလို့ မကောင်းတဲ့လူမှ။ ကိုယ်လေးစားရတဲ့လူမှ။

အဲ့လောက်မှ ဌားပေးဖြစ်တာ။ ဒါတောင် ဌားသွားတဲ့ သူကို အထပ်ထပ်မှာရတယ်။

စာရွက်လေးတော့မခေါက်ပါနဲ့ နော်လို့ ။

အဲ့ဒါနဲ့ ပဲ…ကျွန်တော်အဲ့စာအုပ်ကို ကျောင်းပြီးသွားတဲ့ထိတော်တော်နဲ့ တော့ မ၀ယ်ဖြစ်ခဲ့သေးဘူး။

နောက်ဆုံး အိမ်ကို သယ်ချလာတာက ကျွန်တော့ အမေဗျ။

အသင်းတော် စာအုပ်ဆိုင်က ရောင်းတဲ့ကောင်မလေးက အမေကို ထည့်ပေးလိုက်ပုံရတယ်။

ကျွန်တော်သွားဝယ်တိုင်း…ဆိုင်ပိတ်ရတာနဲ့ စာအုပ်ကကုန်နေတာနဲ့ ချည်းဖြစ်ဖြစ်နေလို့ 

အမေက အပတ်တိုင်းဘုရားကျောင်းတက်တော့ စာအုပ်ရောက်ခဲ့ရင် အမေနဲ့ တွေ့ တဲ့အခါ အဲ့စာအုပ်လေးထည့်ပေးလိုက်ဖို့ မှာခဲ့ဖူးတယ်။

အဲ့စာအုပ်လေး အမေယူလာတာတွေ့ တော့..ဟော…နောက်ဆုံးတော့ ငါ့ဆီရောက်ပြီပေါ့လို့ ။

ပျော်သွားမိတယ်။ ဒါပေမယ့် မဖတ်ဖြစ်သေးပြန်ဘူး။ အမေက သူ ယူလာပြီး။ သူပဲ ဖတ်နေတော့တာကိုး။

သူလည်း ဒီ စာအုပ်ကို ဟိုကလေးမက အတင်းထိုးပေးလို့ သာ ဘုမသိဘမသိ ယူလာခဲ့ရာက
ဖတ်ကြည့်မိပြီးကြိုက်သွားပုံရတယ်။ ဖတ်လိုက်တာ…တစ်လ လောက်တောင်ကျော်မယ်ထင်ပ။

အမေလည်း…တစ်နေ့ တစ်ခန်းပဲဖတ်တယ်ထင်တယ်။ အဲ့စာအုပ်က ရက်ပေါင်းလေးဆယ်ဖတ်ရမှာလေ။

တစ်ရက်ကို တစ်ခန်းဖတ်ပြီး ဆင်ခြင်ဖို့ ပေါ့။ ဒါနဲ့ ကျွန်တော်လည်း အမေပြီးမှ ဖတ်တော့မယ်ဆိုပြီး

စောင့်လိုက်ရပြန်တယ်။

ခုတော့ နစ်သစ်ကူး လေးလည်းဖြစ်နေ၊ ကျွန်တော်ဆိုတဲ့ လူကိုယ်တိုင်၌ကြီးကလည်း လမ်းစတွေ

ပျောက်တစ်ထက်ပျောက်နေ ဆိုတော့ ဒီစာအုပ်လေးကို ဖတ်ကိုဖတ်ပြီဗျာ။

အင်း….၂၀၀၄ ခုနစ်ကတည်းက ကျွန်တော်စသိခဲ့တဲ့ စာအုပ်လေးဟာ ၂၀၁၂ မှာမှ

ကျွန်တော်ဖတ်ရပါတော့တယ်။ အား..နေအုံး…မှန်းစမ်း…ကြည့်ရအောင်…မူရင်းစာအုပ်ထုတ်ဝေတာ

..၂၀၀၄ခုနစ်တောင် မဟုတ်လောက်ဘူး။ ကြည့်လိုက်စမ်းအုံးမယ်။၂၀၀၂ တဲ့…။

အိုင်းယား!! …..ဒါဆို ကျွန်တော် ဆယ်နစ်ကြာမှ ဖတ်ရ တာပေါ့။